Kontratua amaituta, Aspek pilotari zerrendatik kendu du Iñigo Pascual

PILOTA. Iñigo Pascualek ez du jarraituko Aspe enpresan. Abartzuzako atzelariari 2014ko abenduaren 31n amaitu zitzaion kontratua, eta Aspek beste urtebetez jarraitzeko eskaintza egin bazion ere, ez onartzea erabaki du. Abendu amaieran ETBri egindako adierazpenetan «duintasuna» eskatu zion enpresari, eskaintza ezin zuela onartu iradokita. 38 urte dauzka, eta hamasei egin ditu profesionaletan.