Kilometroen alde, Reala - Racing partida jokatuko da larunbatean

FUTBOLA.Realak eta Racingek Kilometroen aldeko lagunarteko partida jokatuko dute larunbatean, 19:00etan, Zarauzko Asti futbol zelaian. Zarauzko Salbatore Mitxelena Ikastola da aurtengo Kilometroak festaren antolatzailea, eta han egin zuten aurkezpena, atzo goizean. Sasoi-aurreko bigarren partida izango da Realarentzat. Joan den larunbatean 0-5 irabazi zion Lagun Onaki, Azpeitian.