Julen San Miguel baztertu du Oriamendik jarrera txar eta errespetu faltarengatik

PILOTA. Oriamendik Julen San Miguel baztertu du, eta, hasteko, ez du jokatuko buruz buruko Masters torneoa. Erremonte enpresak jarrera txarrarengatik, eta «ikusle eta enpresa kideekiko errespetu faltarengatik» zigortu du atzelaria. Masters torneoa gaur hasiko da, Galarretan, Ion eta Endikaren arteko partidarekin. Beste hiru parte hartzaileak Etxeberria IV.a, Barrenetxea IV.a eta Uterga dira. Finala urtarrilaren 10ean jokatuko da, eta Uterga zuzenean dago sailkatuta.