Julen Lopetegik entrenatuko du Real Madril

Julen Lopetegik Zinedine Zidane ordezkatuko du Real Madrilen aulkian, eta, horretarako, Espainiako selekzioko hautatzaile kargua utziko du Errusiako Munduko Kopa amaitzean. 51 urteko teknikari asteasuarrak duela gutxi 2020ra arte berritu zuen Espainiako Futbol Federazioarekin, baina eten egin du hitzarmena, eta hiru urterako sinatu du Real Madrilekin. Lopetegik bost urtez jokatu zuen Real Madrilen, bigarren eta lehen taldean (1985-88 eta 1989-91). Partida bakarra jokatu zuen lehen taldean. Gero, urtebetez zuzendu zuen bigarren taldea (2008-09). 2016ko udan hartu zuen Espainiako selekzioaren ardura.