Jose Luis Kortak beste urtebetez jarraituko du San Juan entrenatzen

ARRAUNA. Jose Luis Korta San Juaneko gizonezkoen taldeko entrenatzaile izango da aurrerantzean ere. Denboradi baterako luzatu dute hitzarmena bi aldeek. Uztailaren 16an hartu zuen Erreka traineruaren ardura, Juan Mari Etxabe ordezkatuz, eta KAE 1 ligako azken estropada irabazi zuen taldeak Bilbon. Horixe du bandera bakarra San Juanek aurtengo udan. Ligako sailkapenean bosgarren bukatu zuen.