Jonathan Castroviejok Algarveko Itzuliko erlojupekoa irabazi du

TXIRRINDULARITZA. Jonathan Castroviejok (Movistar) lortu du euskal txirrindulari baten lehen garaipena sasoi honetan. Getxoztarra Algarveko Itzuliko hirugarren etapan nagusitu zen atzo, hemezortzi kilometroko erlojupekoan. Lau segundotan ondu zuen Tony Martinen denbora (Katuxa). Primoz Roglic (Lotto-Jumbo) da lider orain. Andaluzian, berriz, ezustea izan zen, Victor Campenaertsek (Trek) irabazi baitzuen erlojupekoa. Alejandro Valverde (Movistar) da lider berriro. Ion Izagirre (Bahrain) erori egin zen atzo, eta mina du eskumuturrean.