Javier Irureta futbol entrenatzaile eta Athleticen harrobiko futbolaren arduraduna izango da aurrerantzean gizonezkoen Euskal Selekzioko entrenatzailea. Jose Anjel Iribarrek utzitako kargua hartuko du, eta Mikel Etxarrirekin batera zuzenduko du selekzioa.
Athleticek begi onez ikusi zuen Euskadiko Futbol Federazioaren proposamena, eta gaur baieztatu dute albistea. Iruretak esperientzia handia du entrenatzaile postuetan; besteak beste, Athleticen, Realean eta Deportivon. 600 partidatik gora zuzendu ditu Espainiako Lehen Mailan.
Estreinako partida maiatzaren 25ean izango du Iruretak Euskal Selekzioarekin. Tallinen jokatuko da partida, Estonian, lagunartekoan.
Ofizialtasunaz ez du Iruretak oraingoz, hitz egin nahi izan, eta une honetan bere arreta guztia kirol arloan jarri nahi duela esan du.
Futbola
Irureta izango da Euskal Selekzioko hautatzailea
Iribarrek utzitako kargua hartuko du, eta Etxarrirekin batera zuzenduko du taldea. Maiatzaren 25ean egingo du debuta, Estonian.
Iruzkinak
Ez dago iruzkinik
Ordenatu