Pilotak kolpea jaso zuen atzo. Iñigo Salbidea Asegarce enpresako kudeatzailea hil zen atzo, Donostian, minbiziak jota, 63 urte zituela. Salbideak 24 urte zeramatzan Asegarceko kudeatzaile lanetan, 1992an enpresa sortu zutenetik. Aurretik, hemeretzi urtez izan zen pilotari, hemezortzi urtez Eskulari enpresarekin, eta, azken urtean, Asegarcerekin. Bigarren Mailako banakako txapeldunorde izan zen 1976an, eta Lehen Mailan makina bat partida jokatu zuen. Bihar egingo dute haren aldeko hileta elizkizuna, Antiaguako San Sebastian Martiria elizan, 19:00etan.
Bestalde, gaur ekingo diote Binakako txapelketako ligaxkako azken-aurreko jardunaldiari. Irujo-Rezusta eta Victor-Beroiz ariko dira Bilbon (20:30). Asegarcekoek garaipena behar dute, sailkatzeko dituzten aukera apurrei eutsi nahi badiete.
Iñigo Salbidea Asegarceko kudeatzailea hil da
Iruzkinak
Ez dago iruzkinik
Ordenatu
