Iñaxio Perurenak 305 kiloko harria altxatu du Leitzan, 400 ikusleren aurrean

HARRI-JASOTZEA. Iñaxio Perurenak 305 kiloko harria altxatu zuen atzo Leitzan, Amazabal pilotalekuan. Harmailak lepo bete ziren, 400 ikusle inguru, eta Perurenak lehen saiakeran lortu zuen bere markarik onena. Legezko altxaldia izan zen, baina harri-jasotzailea ez zen gustura gelditu, lau kolpe eman behar izan zizkiolako bularrean. Inoizko markarik onena Mieltxo Saralegik du, 329 kilorekin.