Iñaki Badiolak ukatu egin ditu bere aurkako akusazioak

Atzo hasi zen Iñaki Badiola Realeko presidente ohiaren aurkako epaiketa, Twitterreko kontu anonimoen bidez Gipuzkoako hainbat politikari, epaile, kazetari eta hedabideren kontra irainak eta gezurrak zabaltzeagatik. Fiskalak 66 urteko espetxe zigorra eskatzen du harentzat, baina, haren aurkako lehen auzi saioan, akusazioak ukatu zituen Badiolak: «Nik ez dut horrelako informaziorik zabaldu. Gertaera hauek ez dute zerikusirik nirekin. Hor amaitzen da nire deklarazioa», esan zuen.