Denetarik izan du Espainiako Ohorezko Mailako hamahirugarren jardunaldiak euskal taldeentzat. Hondarribia-Irunek garaipen garrantzitsua lortu zuen etxean, Tintos de Toro Caja Ruralen aurka (75-70). Obenasa Nafarroak, ordea, ezin izan zuen bosgarren partida jarraian irabazi eta 61-53 galdu zuen Kanaria Handiaren kantxan.
Gipuzkoarrek oso partida serioa jokatu zuten, hasi eta buka, eta estutasun handirik gabe lortu zuten garaipena. Lucas eta Stevenson izan ziren onenak Hondarribia-Irunen: hogei eta hemezortzi puntu sartu zituzten, hurrenez hurren.
Obenasari, ordea, Hondarribia-Irunen kontrakoa gertatu zitzaion, beti joan baitzen atzetik Kanaria Handiaren kantxan, eta inoiz ez zuen izan garaipena lortzeko aukera garbirik. Azkenean, alferrikakoa izan zen Putninak egindako lan bikaina: 20 puntu sartu zituen, eta 11 errebote berreskuratu.
Hondarribia-Irunek irabazi egin du, eta Obenasa Nafarroak galdu
Gipuzkoarrak 75-70 nagusitu zaizkie Tintos de Torori ,eta nafarrak esku-hutsik itzuli dira Kanaria Handitik (61-53)
Iruzkinak
Ez dago iruzkinik
Ordenatu
