Gorka Izagirre eta Paula Suarez izan dira ziklo-kroseko Euskadiko txapeldunak

ZIKLO-KROSA. Gorka Izagirre Astanako txirrindulariak irabazi zuen ziklo-kroseko Euskadiko txapelketa. Lezamako zirkuituan Xabi Muriasek bigarren postuan amaitu zuen, sei segundora, eta Aitor Hernandezek osatu zuen podiuma. Paula Suarezek, berriz, ez zien aukerarik eman aurkariei: 53 segundo atera zizkion Olatz Odriozola bigarren sailkatuari, eta Zaloa Trevillarentzat izan zen hirugarren postua.