Garaipenak ihes egin dio Athletici azken minutuetan

Athleticek eta Sevilla partida bizia jokatu dute. Zuri-gorriak aurreratu dira, baina Agirrezabalari txartel gorria atera dio epaileak, eta espainiarrek amaieran berdin dute.

Jauregizarren gola, Unai Gomezen pase bat jaso ondoren. MIGUEL TOÑA / EFE
Jauregizarren gola, Unai Gomezen pase bat jaso ondoren. MIGUEL TOÑA / EFE
jon ordonez garmendia
2024ko irailaren 29a
18:31
Entzun 00:00:0000:00:00

Berdindu egin dute, eta partida irabazteko zorian izan dira bai Athletic eta bai Sevilla gaur San Mamesen. Partida ikusita, ordea, argi dago Athletici egin diotela ihes bi puntuk etxean.

Lehen gola Bermeotik iritsi da: Unai Gomezen pase bat baliatuta, Jauregizarrek 36. minutuan aurreratu du Athletic. Bigarren zatian abantaila handitzeko aukerak izan dituzte Ernesto Valverderen jokalariek, baina 82. minutuan erabaki da partida. Julen Agirrezabala atezainak gaizki kontrolatu du baloia, eta Sevillako aurrelari bati falta egin dio. Epaileak ez du zalantzarik izan, eta txartel gorria atera dio.

Agirrezabalaren ordez, Padilla zelairatu da, eta, ondo aritu bada ere, jokalari bat gehiagorekin arituta, Sevilla suspertu egin da, eta luzapenean berdindu du, zorigaiztoko jokaldi batean. Partida irabazteko gol aukera oso garbi bat ere izan du, baina Yurik, Padillak eta zutoinak eragotzi dute Espainiako taldearen garaipena.

Athletic: Agirrezabal; De Marcos (Yuri, 71. min), Paredes, Nuñez, Lekue; Jauregizar, Vesga (Ruiz de Galarreta, 59. min); Nico Williams (Padilla, 85. min.), Unai Gomez (Guruzeta, 59. min.), Berenguer (Canales, 71. min); eta Iñaki Williams.

Sevilla: Nyland; Carmona (Pedrosa, 80. min), Bade, Nianzou, Barco (Juanlu Sanchez, 46. min); Agoume (Navas, 86. min), Gudelj; Lukebakio, Peque (Mejia, 80. min), Ejuke; eta Iheanacho (Suso, 59. min) .

Golak: Jauregizarrek (36. min), eta Padillak bere atean (93. min).

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Kazetaritza propio eta independentearen alde, 2025 amaierarako 3.000 irakurleren babes ekonomikoa behar du BERRIAk.