PILOTA. Joseba Ezkurdiak eta Dario Gomezek Lehen Mailako buruz burukoaren hirugarren eta laugarren postuetarako partida jokatuko dute gaur Ezkarain (Espainia), 21:15ean (ETB1).
Irabazleak Jokin Altuna edo Aitor Elordi ordezkatuko du finalean bietako batek min hartzen badu. Duela bi urte, Beñat Rezusta hirugarren izan zen, eta Iñaki Artolaren ordez aritu zen finalean, aurrelariak eskuin sorbaldan hartu baitzuen min.
Ezkurdiak eta Dariok ligaxkan jokatu zuten elkarren aurka, Gasteizen, eta errioxarrak nagusitasunez irabazi zuen: 22-10. Gaur, etxean ariko da.
Bestalde, gaur jokatuko dute Emakume Master Cupek antolatutako Nafarroako Komunitateko Torneoko binakakoaren lehen finalerdia, Berriozarren (19:30). Olatz Arrizabala eta Irati Zabala Amaia Aldairen eta Leire Galeanoren aurka ariko dira. Igandean jokatuko dute bigarren finalerdia, Atarrabian (11:30): Leire Garai eta Enara Gaminde, Goiuri Zabaletaren eta Nora Mendizabalen kontra.
Ezkurdia eta Dario elkarren aurka ariko dira gaur Ezkarain
Buruz burukoaren hirugarren postua izango dute jokoan. Ligaxkan, errioxarrak 22-10 irabazi zion nafarrari
Iruzkinak
Ez dago iruzkinik
Ordenatu
