Euskal selekzioa nagusi errugbian, eta Katalunia areto futbolean

Euskal selekzioak eta Kataluniako selekzioak areto futbol eta errugbi partidak jokatu zituzten atzo, eta garaipenak banatu zituzten. Bietan gainera, etxetik kanpo aritu zen taldeak irabazi zuen. Kataluniak 3-6 irabazi zuen areto futbolean, Santurtzin (Bizkaia) jokaturiko partidan. Kanpokoak gehiago izan ziren eta 0-4 aurreratu ziren. Euskal selekzioak 2-4 gerturatu zen bigarren zatian, baina ez zuen aurkaria izutu. Euskal selekzioen golak Yeraik, bi, eta Labakak sartu zituzten.

Errugbi partida estuagoa izan zen, eta Euskal selekzioak 33-38 irabazi zuen Foixarda Bartzelonako errugbi zelaian. Partida ikusgarria izan zen, gorabehera askokoa. Kataluniak behetik gora egin eta tarte polita lortu zuen (25-14, 55. min). Euskal selekzioak, baina, azken txanpa bikaina egin zuen, lau entsegu jarraian sartuz.