Euskal Herritik mundura

Euskal Herriko txirrindularitza zaleek bertatik bertara biziko dute datorren urteko Frantziako Tourreko irteera. Ez da lehenengo aldia, 1992an Donostiatik atera baitzen Tourra. Bilbotik abiatuko da, eta lehen aldiz iritsiko dagizonezkoen Tourra Bizkaiara. Guztira hiru etapa jokatuko dira Euskal Herrian. Ibilbideari dagokionean, berritasun nagusia da erlojupeko saio bakarra izango dela.

Atzo eguerdian egin zuten 2023ko Tourraren aurkezpen ofiziala, Parisen, eta han izan ziren Euskal Herriko hainbat erakunde tako ordezkariak. Iñigo Urkullu lehendakariak hitza hartu zuen, eta adierazi zuen aspaldiko ametsa «egia» bilakatu dela. Lehendakariaren hitzetan, helburua da munduari erakustea «Euskadi zer den, eta zer izan nahi duen».

Taldeen aurkezpena ekainaren 29an egingo dute, Bilbon, eta lehenengo etapa San Mamesetik abiatuko da, uztailaren 1ean. Bilbon bertan izango du helmuga, eta, aurretik, erasoa jotzeko toki aproposak izango dituzte Morgan, Gangurenen eta Pike bidean. Bigarren etapa Gasteiztik abiatuko da, eta Donostian izango du amaiera. Lau mendate igo beharko dituzte txirrindulariek, baina Jaizkibel izango da mendate erabakigarria, helmugatik hogei kilometrora. Hirugarren etapa izango da Frantziako Tourrak Euskal Herrian egingo duen azkena. Zornotzatik (Bizkaia) abiatuko da, eta Baionan izango du helmuga. Esprinterrek lehen aukera izango dute garaipenaren lehian aritzeko.

Euskal Herria atzean utzi, eta Pirinioetarako bidea hartuko du tropelak aurreneko astean bertan. Bosgarren etapan izango da mendiko lehen etapa, Soudet eta Marie Blanque igoko baitituzte. Baina seigarren etapa izango da aurreneko asteko egun handia. Aspinetik eta Tourmaletetik igaroko da tropela, Cauteretseko azken igoerara iritsi aurretik. Egun aproposa izango da maillot horia helburu dutenen artean aldeak ikusteko.

Zaleek bederatzigarren etapara arte itxaron beharko dute mendiko beste etapa bat ikusteko. Lehen atseden egunaren aurretik, eskalatzaileek garaipena lortzeko egun aproposa izango dute. 35 urteren ostean itzuliko da Frantziako Tourra Puy de Domera, eta etapa han amaituko da.

Bigarren astea gogorra izango da txirrindularientzat: Frantziako Tourra Alpeetara iritsiko da. Ziklistek askotariko etapei aurre egin beharko diete, eta mendiko etapa gogor batekin amaituko dute astea. Morzinen abiatuko da hamalaugarren etapa, eta Saint-Gervais Mont-Blancen amaitu. Txirrindulariek hainbat mendate igaro beharko dituzte, baina Le Bettexeko igoeran aukera izango da taldeburuen arteko lehia estua ikusteko. Azken mendate horretan, %17ko pendiza duten aldapetan sufrituko dute gehien txirrindulariek.

Hirugarren asteari ekin aurretik azken atseden eguna izango dute txirrindulariek. Erlojupeko batekin itzuliko dira lehiara azken astean. 22 kilometro izango ditu datorren urteko Tourreko erlojupeko bakarrak, eta mendian ondo aritzen diren txirrindularientzat aproposa da saioa. Aukera polita izango da Tadej Pogacarren (UAE) eta Jonas Vingegaarden (Jumbo-Visma) arteko lehia bizia ikusteko.

Lasterketaren azken txanpan murgilduta, hamazazpigarren etapa izango da hirugarren asteko gogorrena. La Loze mendate mitikoa igo beharko dute txirrindulariek (28,4 kilometro luze eta %6ko pendiza). Azken maldek %24ko pendizak dituzte, eta gailurretik sei kilometro eskasera egongo da Courcheveleko helmuga.

Etapa motz baina gogor batean jakingo da nor izango den 2023ko Frantziako Tourreko garaile birtuala. Marksteinen amaituko da etapa, baina aurretik Alsazia, Moinats, Grosse Pierre, Schluchtik, Petit Ballon eta Platzerwasel igo beharko dituzte txirrindulariek.

Tourmalet izango da epaile

Emakumeen Tourra hilaren 22an hasiko da, gizonezkoen lasterketa azken astean murgilduta dagoelarik, eta gizonekin inoiz gertatu ez dena gertatuko da: Tourra ez da pasatuko Paristik. Clermont-Ferranden abiatuko da lehenengo etapa, eta han izango du helmuga ere. Esprinterrek aukera bat baino gehiago izango dute garaipena lortzeko, baina, Pirinioetan, taldeburuen txanda izango da.

Asteburuan erabakiko da Tourra, azken bi etapetan. Zazpigarren etapa irabaztea izango da maillot horia helburu dutenen nahia. Tourmalet handian amaituko da, eta munduko eskalatzailerik onenak bakarrik izango dira han gailentzeko hautagaiak. Hala ere, ezin izango dituzte indar guztiak xahutu, hurrengo egunean jokatuko baita azken etapa: 22 kilometroko erlojupekoa, Pauen. Bertan erabakiko da nor izango den txapeldun handia.