Tentsio giroa izan da Bilbon, Athleticen eta Erromaren arteko Europa ligako partidaren atarian. Ertzaintza bi taldeen zaleei oldartu zaie, eta gutxienez lagun bat atxilotu dute. Erromaren zale bat da atxilotua.
Italiako 2.000 zale inguru daude Bilbon, eta Guggenheim inguruan hasi dute San Mameserako bidea, ertzainen begiradapean. Estadiora gerturatutakoan, Erromaren eta Athleticen zaleek istiluak izan dituzte —elkar iraindu eta elkarri botilak jaurti dizkiote—, eta Ertzaintzak haien aurka egin du. Partida hasi baino ordu eta erdi lehenago izan da hori.
Aurrez ere, San Mameserako bidean, Ertzaintza Erromaren zaleei oldartu zaie.
