Entrenatzaile postutik kendu du Arsenalek Emery

FUTBOLA. Zazpi partida irabazi gabe eman eta gero, Arsenalek kargutik kendu du Unai Emery. Hondarribiko entrenatzailea aurreko sasoian iritsi zen Londresera, Arsene Wenger ordezkatzeko. Baina ez ditu aurreikuspenak bete. Europa Ligako finalera iritsi zen, baina Chelsearen aurka galdu zuen. Gainera, ez zuen lortu Arsenal Txapeldunen Ligarako sailkatzea.