Donostiako maratoia ere irabazi nahi du Iglesiasek

ATLETISMOA. Orain hamabi egun Behobia-Donostia herri lasterketan lortutako garaipena errepikatu nahi du Rafael Iglesias espainiarrak igande honetan Donostiako 33. Nazioarteko Maratoian. Irabazteaz gain, 2.10etik jaitsi nahi du. Emakumezkoetan, berriz, Ana Casares nafarra da faboritoa. Proba 09:00etan hasiko da, Anoeta estadioan, eta toki berean amaituko da. 3.100 korrikalari inguru ariko dira.