Dena ez da zoriona: Kukullagak maila galdu du (23-33)

Dena e z zen zoriona izan atzokoan, Kukullagak maila galdu baitzuen matematikoki. Etxebarriko taldeak 23-33 galdu zuen Elxen aurka, eta Casteldefellsek —jaisteko postuetatik kanpo dagoen lehen taldeak— irabazi egin zuenez, Kukullagak jada ezin du hura harrapatu. Etxebarriko taldeak bi sasoi egin ditu Ohorezko Mailan, eta azkeneko hau sailkapeneko zuloan igaro du. Zuazok ere galdu egin zuen, 25-24 Porriñoren aurka. Barakaldoko taldeak ez zuen deus ere jokoan.

Asobal Ligan, berriz, Anaitasunak 27-31 galdu zuen Granollersen aurka, eta zazpigarren jarraitzen du. Bidasoak ere galdu egin zuen, Puente Genilen aurka (25-26). Hiru jardunaldi falta dira liga bukatzeko.