Demi Volleringek (SD Worx) irabazi du Euskal Herriko Itzulia. Azken etapan ikuskizuna eman du Herbehereetakoak, bakarrik heldu da Donostiako helmugara, eta aurreikuspenak bete ditu. Murgileko maldetan egin du ihes, eta hortik amaierara arte bakarlanean aritu da. Bulebarra bete duten zaleen aurrean ospatu du garaipen bikoitza.
SD Worx taldeak, gainera, egin duen Itzuli bikaina errematatu du, aurreko bi etapetan garaile izan den Mischa Bredewoldek bigarren bukatu baitu sailkapen nagusian. Juliette Labousek (FDJ) amaitu du hirugarren.
Euskaldunen artean Ane Santesteban (Laboral Kutxa) izan da onena; hamahirugarren amaitu du.
