Iaz Alberto Contadorrek ez zuen Frantziako Tourrean 2007an lortutako garaipena defenditzerik izan, antolatzaileek ez ziotelako bere talde Astanari parte hartzen utzi, dopin auziagatik, baina aurten Tourrean izango da Astana; Contador ere bai, ondorioz. Hala jakinarazi dute gaur probako arduradunek, onartu dutela oraingoan talde hura.
Joan den urtean Carlos Sastrek irabazi zuen Frantziako itzulia, eta aurten ere han izango da, Cervelo taldearekin.
Uztailaren 4an hasiko da Tourra, Monakon. Talde parte-hartzaileen artean izango da aurten ere Euskaltel-Euskadi. 20 talde ariko dira.
Txirrindularitza
Contador izango da aurten Tourrean, honek Astana onartu baitu
Talde hark ez zuen iaz parte hartu, dopin auziagatik. Euskaltel-Euskadik ere korrituko du Frantziako itzulia. Uztailaren 4an hasiko da.
Iruzkinak
Ez dago iruzkinik
Ordenatu
