Carter zigortu dute, eta Bolt Pekinen irabazitako urre bat gabe geratu da

ATLETISMOA. Usain Bolt jamaikarrak urrezko bederatzi domina zituen irabaziak Olinpiar Jokoetan, baina, atzotik, bat gutxiago du. Nazioarteko Olinpiar Batzordeak (NOB) Nesta Carter atleta jamaikarra zigortu du, dopinagatik, eta, beraz, baliorik gabe utzi du Carterrek, Boltek, Michael Fraterrek eta Asafa Powellek 2008ko Pekingo Olinpiar Jokoetan 100 metro txandakoetan irabazitako urrezko domina.