Carlota Zigandak balentria lortu du. Profesionaletako Europako zirkuitua irabazi du parte hartzen zuen lehen urtean. 1985ean Laura Daviesek irabazi zuenetik, hasi berri batek inoiz ez zuen halakorik lortu. Atzo ziurtatu zuen garaipena, Dubaiko (Arabiar Emir. Bat.) Irekian 10. izanda. Garaipenaren gakoa Caroline Masson alemaniarraren jardunean egon zen. Bigarren izan balitz, hura zen zirkuituko irabazle, baina azken itzulian ezin izan zituen kirioak kontrolatu eta 12. zuloan eginiko boogie hirukoitzak hirugarren postura bidali zuen.
Zigandak urte bikaina egin du, hamabi irekietako hamarretan lehen hamar sailkatuen artean sartu da, eta bi irabazi ditu, aurrenekoa Deloitten (Herbehereak) eta bestea Txinako Irekian. Tania Elosegik, berriz, ez du denboraldi ona izan, eta 73. izan da. Bere posturik onena Tenerifen lorturikoa izan zen: bosgarrena.
Carlota Zigandak Europako zirkuitua irabazi du bere lehen parte hartzean
Iruzkinak
Ez dago iruzkinik
Ordenatu
