Carlota Ziganda 29. postuan sailkatu da

Ez du zorterik Carlota Zigandak Olinpiar Jokoetan. Bitan lehiatu da, eta bietan nahi baino lan eskasagoa egin du: Rio de Janeiron (Brasil)21. postuan sailkatu zen, eta, Tokion oraindik eta atzerago amaitu du lehia, 29. postuan. Larraintzarko (Nafarroa) golflariak oso urrun izan ditu lehen postuak; hamabi kolpera brontzezko eta zilarrezko dominak, eta hamahirura urrezkoa. 280 kolpe behar izan ditu guztira, lau parraren azpitik. Nelly Korda estatubatuarrak aurreikuspenak bete ditu, eta hura nagusitu zen.