Baskonia-Real Madril Euroligako lehen jardunaldian

SASKIBALOIA. Baskoniak Real Madril hartuko du etxean Euroligako lehen jardunaldian, 20:30ean (Movistar). ACB ligako etxeko lehen partidaren arrakastaren ondoren, Buesa Arenak giro ezin hobea izango du berriro ere, 13.000 pertsona baino gehiago egongo baitira harmailetan.

Baskoniak iragan denboraldian lau aldiz irabazi zion Real Madrili elkarren aurka jokatutako lau partidetan. Baina Peñarroya ez da fidatzen. «Zaila da gaur egun baloratzea, baina Real Madril da Euroliga irabazteko faborito nagusia».

Real Madril oso sasoi onean dator. Duela bi aste Espainiako Superkopako txapeldun izan zen Bartzelonaren aurka, eta ACB ligan jokatutako hiru partidak irabazi dituzte. Facundo Campazzoren itzulerarekin bakarrik indartu da.