Leo Messi, Ibrahim Afellay, Xavi, David Villa, Jeffren, Gerard Pique, Jose Manuel Pinto, Andres Iniesta, Víctor Valdes eta Javier Mascherano Bartzelonako futbolariei dopin kontrola egin die gaur UEFAk, ezustean, kontrola iragarri gabe zegoelako. Entrenamenduaren ostean izan da azterketa.
Lehengo igandean Bartzelonari buruzko dopatze susmoak zabaldu zituen Espainiako irrati kate batek: Copek. Hark Real Madrileko iturriak aipatu zituen hori esateko; iturriari buruzko zehaztasunik eman gabe, ordea. Bartzelonak Coperen kontrako salaketa aurkeztu zuen astearen hasieran.
"Gaur kontrola dugu. Kasualitatea!", idatzi du Piquek Twitterrean goizean.