«Baldintzarik gabeko babesa» eskertu die Fernando Llorentek zaleei
Denbora askoan isilik egon ostean, egoera ez dela erraza aitortu du Athleticeko aurrelariak, Facebook bidez
Fernando Llorentek hasieratik jokatu zuen herenegun Eibarren aurka. Marka da gero, baina albistea da hori, denboraldi honetan lehenengo aldiz hartu zuelako erabaki hori Marcelo Bielsa entrenatzaileak. Kazetarien aurrean mutu jarraitzen du errioxarrak, baina atzo, Facebook bidez, mezu labur bat helarazi nahi izan zien zale zuri-gorriei —irailaren 20an idatzi zuen azken aldiz—. «Eskerrik asko ematen didazuen baldintzarik gabeko babesagatik», idatzi zuen Llorentek. «Egoera ez da erraza». Athleticek Granadan jokatuko du bihar, ligan, 19:45ean.
Iruzkinak
Ez dago iruzkinik
Ordenatu