TXIRRINDULARITZA. Euskal txirrindulariek lehiari ekin zioten atzo Flandrian, Munduko Txapelketan. 23 urtez azpiko mailako erlojupekoan, Xabier Mikel Azparren 21. postuan sailkatu zen, irabazlearengandik, Johan Rice-Pejtersen danimarkarrarengandik, 1.26ra. Elite mailakoan, Ziortza Isasi 35. izan zen, txapeldunarengandik, Ellen van Dijk herbeheretarrarengandik, 4.31ra. Marlen Reusser izan zen bigarren, eta Annemiek van Vleuten hirugarren.
Gaur, junior mailako erlojupekoen txanda izango da: goizean, Nahia Imaz eta Laia Puigdefabregas ariko dira; arratsaldean, berriz, Haimar Etxeberria.
Bestalde, bi euskal txirrindularik erretiroa hartuko dute: Gari Bravok (Euskaltel-Euskadi) eta Enrique Sanzek (Kern-Pharma), biek 32 urte egin berritan. Bravok hamabi urte egin ditu profesionaletan, eta Sanzek 11.
Azparren 21. izan da erlojupekoan, eta Isasi, 35.
Iruzkinak
Ez dago iruzkinik
Ordenatu
