Ansa II.a-Labaka eta Urriza-Zaldua Sagardoaren Txapelketako finalean

ERREMONTEA. Zehaztuta dago zein bi bikote ariko diren Sagardoaren Txapelketako finalean, datorren astelehenean (22:15, ETB1): Ansa II.a-Labaka, Setien sagardotegia ordezkatuz; eta Urriza-Zaldua, Bereziartua ordezkatuz. Ansa II.a-Labakak nagusitasunez irabazi diete finalerdietan Goikoetxea V.a-Aizpuru III.ari: 30-22; Urriza-Zaldua, ordea, tanto bateko aldearekin nagusitu zaizkie Segurola-Larrañagari.