Amaia Ramirez. (Donostia, 1967)

Kirol psikologoa. Madrilgo Unibertsitate Autonomoan egin zituen ikasketak. 1991n amaitu, eta masterra egin zuen kirol psikologian. Eskubaloi jokalaria izan zen, eta entrenatzailea. 2004 eta 2011 artean, Bera Beran aritu zen, psikologo eta presidente. 2007an, haren eta Ane Karrereren eskutik irabazi zuten lehen titulua: Espainiako Kopa. Kirol talentuaren garapenean aritzen da egun, eta goi errendimenduko kirolari eta entrenatzaileei laguntzen. Besteak beste, IDK saskibaloi taldearekin, Julen Egiguren pilotariarekin eta Andy Criere surflariarekin ari da lanean.