Abel Barriolak eta Mikel Idoatek ez dute jokatuko buruz buruko txapelketa

PILOTA. Aurtengo banakako txapelketak bi hutsune garrantzitsu izango ditu. Ez dira ariko ez Abel Barriola, ez Mikel Idoate. Atzelaria hainbestean aritu da binakakoan, eta Asperekin hitz egin ondoren, uko egin dio buruz burukoari. Aurrelariak, berriz, ez du bere burua ondo ikusi banakakoari aurre egiteko. Gauzak hala, Arretxe II.ak eta Albisuk ez dute atarikorik jokatuko eta biak sartuko dira txapelketan.