Sionisten erasoak eta zigorgabetasuna

Ez dakit sionisten erasoak eraso sionistak ote diren beti, baina Bilbon taberna batetik Palestinako bandera lapurtu, hura erre eta ia Ertzaintzak babestuta kalean istiluak sortzen ibili ziren saskibaloi jarraitzaile horien jite berekoa izango da ziur Zisjordaniako lurralde okupatuetan Xireen Abu Akleh kazetari palestinarra tiroz hil duen soldadu israeldarra. Inpunitate osoz aritu ziren batzuk zein bestea, sei puntako izarrak ematen duen zigorgabetasunaz.