‘Puerta’ edo ‘ate’

Tamalez, ospitaleratuta izan naiz egun batzuk, eta gauza bitxi batek atentzioa eman dit: gela guztiak sailkatuta daude ohearen arabera, hots, puerta P edo ventana V. Nire uste apalean, Osakidetzak aldatu beharko luke hori eta euskara erabili, atea A eta leihoa L, esfortzu handirik egin gabe, kontuan hartuta Osakidetza euskalduntze prozesuan buru-belarri sartuta dagoela. Eta, gainera, ulertzeko arazoa gaur egun ez dago, bizi gara gizarte batean non normala den beste hizkuntzetan aritzea: Basque Culinary Center, Reale Arena, running, puenting, spinning... Beraz, A edo L, eta ez P edo V.