Gazteak gero eta lehenago hasten dira pornografia kontsumitzen, izan ere, beren sexu heziketa bakarra pornoa da. Nola demontre heldu gara honaino?
Jakina denez, pornografia ikusteko baliabideak guztion eskura daude. Ondorioz, 7-9 urteko umeek lehenengo aldiz ikusten dute. Halaber, 10,5 urterekin jada kontsumitzaile dira. Bistan dago bideo mota hauetan emakumeek rol pasiboa hartzen dutela gizonen desirak betetzeko nahian; hain zuzen ere, talde bortxaketen bideoak dira gehien ikusiak. Dudarik gabe, egoera honek ondorio negatiboak dakartza eta konponbidea aurkitzea ezinbestekoa da.
Hori guztia kontuan izanda, egoera hau saihesteko heziketa sexu-afektiboa landu behar da. Horretarako, eskolan, etxean zein kalean hitz egin behar da nahitaez, naturaltasunez, sexuari buruz. Honen helburua errespetua eta berdintasuna bermatzea da edozein harremanetan.
