Nabarralden, euskara gutxi

Oñatin, Nabarralde elkartea historialarien II. biltzarra prestatzen ari da, Nafarroako konkistari buruzkoa. Hitzaldi interesgarriak egitarauan, elkartearen webgunean ikus daitezkeenak… akats «txiki» batekin: hitzaldien %76 erdara hutsez dira. Antza, Euskal Herriko edo Nafarroako hizkuntza nazionala zein den ahaztu zaie. Eztabaida zaharra da Nazioa zerk egiten gaituen zehaztea, baina ni alemanen esaldiarekin geratzen naiz: «Hitz egiten duguna gara». Hots, hizkuntza dela gauza guztien gainetik nazioaren bihotza.