LOMCEri planto?

Ikasturtea amaitzearekin batera, isildu egin dira LOMCEren inguruan sortu diren protestak. LOMCEk jarritako 3. mailako diagnosi probak direla eta, zenbait hezkuntza eragilek hamaika ekintza egin dituzte proba horien kontra, eta mediatikoki oihartzun itzela izan dute. Oporrak tartean, oraindik hezkuntza eragileei (Eusko Jaurlaritza, alderdi politiko, sindikatu, hezkuntza plataforma eta abar), ez diegu entzun esaten zer egingo duten irailetik aurrera LOMCE aplikatuko duten ikasliburuen aurrean, zein ekintza egingo dituzten zirimiria bezala gure ikasgelak blaituko dituzten LOMCEren espiritua jasotzen duten ikasliburuekin. 3. mailako diagnosi proba gaindituta, baina oraindik ikasliburuen proba gainditzeke.