Kulturaz

Turismo pakete bat erosteak ez nau bidaiaria egiten, turista baizik. Museo batean sartzeak bisitaria bihurtzen nau, ez kultuago. Kultuago egiten nauena museoan sartu baino lehen ikusiko dudana eta ondoren ikusitakoaz ikastea da. Irakurtzeak edo musika entzuteak ez gaitu azkarrago egiten, denbora-pasaz erabiltzen baldin baditugu hitz eta nota horiek. Gaur egun gero eta konformistago, xenofoboago, kontsumitzaileago, matxistago eta insolidarioago den euskal gizarte honetan, ez dut uste irakurtzeko ohitura handiago izateagatik kultuago izango garenik. Noizko ikerketa bat jakiteko zer kultura mota egiten den? Kultura museo eskultural bat eraikitzea edo makro-kontzertuak antolatzea baino askoz gehiago da.