Landa eremuko biztanleen eta neorruralen artean gatazka bat baino gehiago piztu da Frantzian. Landetako usain eta zaratek sarritan enbarazu egiten diete etorri berriei, eta hauek kexu dira, oso, eta dena judizializatzeko joera dutenez, auziak areagotu egiten dira, arazo potoloa bihurtzeraino.
Duela gutxi Frantziako Parlamentuak lege baten bidez ebatzi behar izan du usainak eta zaratak bertakoak direla, eta kito. Etorri berriak dira egokitu behar dutenak. Ez alderantziz. Lege honek, nolabait, neorruralen eskubideak mugatzen ditu, baina azkenean mundu guztiak ulertuko duelakoan daude. Logikoa da.
Hau gure eremura ekarrita, aldiz, oso ezberdina izaten ari da euskararen auziari dagokionez. Lanpostu publiko baterako oinarrizko ezagutza maila eskatuz gero, edozein epailek esan dezake diskriminatzailea dela. Justiziak, gure kasuan, beste begian dauka benda jarrita.
Pasaia
Justiziaren balantza eta begi okerra
Iruzkinak
Ez dago iruzkinik
Ordenatu
