Hazkunderen kasketaldiak

Nahi duen guztia egiten uzten diot. Arropa garbitzen diot, lisatu, janaria prestatu, ahalik eta jostailu gehien erosi… Esne-mamitan bizi da. Hala ere, gero eta gehiagotan azkenaldian, haserre aurpegia jarri eta negar egiten du zerbait lortzen ez duenean. Eta nik amore eman behar, men egin, lasai dadin…

Nolanahi ere, errudun sentitzen naizenetan —kasketaldi larrien ondoren normalean— hainbat adituren liburu eta txosten mardulak irakurtzen ditut. Guraso! Ondo artatu zure semetxoa! Mugak zuhurtziaz eta tinko zehaztu! Bestela, adinean gora egin ahala, are gobernaezinagoa izango da eta! Baina, tamalez, indar gutxi du txosten eta kasketaldien artean piztutako legebidezkotasunak. Aitaren batean itzali egiten da gar xumea. Eta berriro lehengora itzultzen da. Bonbazian bizitzera… Hazkunde! Etorri hona laztana…