Gay izatea bekatua al da?

Kezkatuta nago gure Eliza katolikoan eta Donostiako elizbarrutian homosexualitatearekin hain zakar, baldar eta kaskar jarraitzen dugulako. Ez da ona sexualitatea zentsuratzea eta erreprimitzea, eta horretaz asko egin da eta egiten jarraitzen da elizan. Pena ematen dit. Giza sexu-sena etxekotzen eta zapuzten saiatu gara, eta badirudi desmorala zela sexu-plazera bilatzea ugalketa-helbururik gabe. Ugalketa helburu ez duten sexu-praktika guztien errepresio horrek kezkatzen nau.

Gaur egun, batez ere Liburuko erlijioek (Kristautasuna, Judaismoa eta Islamismoa) homosexualitatea gaitzesten jarraitzen dute, baita giza sexualitatearen edozein adierazpen positibo eta heldu ere. Ebanjelioaren oinarria ez da kondena, ulermena eta maitasuna baizik. Garrantzitsua da elizan orientazio homosexualeko pertsona bati laguntza eta harrera ematea eta bere bizitza afektiboa hobeto integratzen laguntzea, sexu bereko pertsona batekin bada ere. Uste dut gaur egun Nazareteko Jesusek errealitate hori hartuko lukeela eta ez lukeela gaitzetsiko. Ez dut ezagutzen kondenatuko duen ebanjelioaren aipamenik. Itun Zaharreko bi aipamen bakarrik (Lebitarrena 18,22; 20,13; Has/Gen 19) eta Pabloren beste bi (1 Kor 6,9-10; Erm 1,24-27).

Konpainia duinarekin geratuko naiz, eta maitasuna dagoen lekuan Jainkoa dagoela. Horretan nago.