Ez da Murillo bat

Margolan preziatu bihurtu gura dugu euskara. Murillo bat. Hasierako prezioa 600.000 euro. Pieza baliotsu honen jabetza eskuratu nahiko dute guztiek, eta, edozein trikimailu erabilita, eskubide bateraezin eta besterezina bereganatu. Irabazlea ikaragarri puztuko da pieza esleitzean. Gizarte osoari erakutsi nahiko dio, mirets eta gora dezan. Baina, euskarak, ez du inolako jabetza hertsirik gogoko. Gorespen-hitzaldiak arbuiatzen ditu. Jakin badakielako enkante, nori eta niri kalte.