Euriborraren igoera

EBko inflazioak interes-tasen igoera azkartuko du 2023an, %3,5eraino. Horrek berehalako eragina izango du hipoteketan eta banku-maileguetan, eta gizarte-maila desberdinei itolarri ekonomikoa ekarriko die, baita etxebizitzen eta merkataritza-lokalen berankortasuna eta enbargoak ere. Europako Banku Zentralaren tasen igoerak Euriborra 2023an %4arekin uztartzea eragingo du, eta etorkizuneko banku-maileguen baldintzak gogortzearekin batera, berankortasun-tasak handitzea eta higiezinen merkatua geldiaraztea ekarriko du.

Pisos.com atariaren arabera, 2023an salerosketa-eragiketek %11ko jaitsiera izango dute, eta hipoteken sinadurak %17koa. Era berean, ekonomiaren uzkurdurak etxebizitzen eta merkataritza-lokalen berankortasuna eta bahiturak areagotuko ditu. Ondorioz, banketxeak enkanteen bidez eta aktibo higiezinak kudeatzeko sozietateak sortuz saiatuko dira enbargatutako pisuei irteera ematen. Etxebizitza horiek zorroetan pilatuko dituzte eta artifizialki errebalorizatutako higiezin batzuen prezioetan beherakadak eragingo ditu, azken hamarkadako higiezinen espekulazioaren ondorioz.