Korapilo handi baten barruan gaude. Txarrena, aspalditik dator eta luzerako doa. Konplexutasun handiko gaia baita. Gustatu ala ez, merkatu-ekonomia baten barruan gaude. Eta edozein produkturen soberakinak oso handiak ez badira, salneurria zeruratzen da. Abiapuntu hau onartu behar da. Orduan, zer gertatzen zaigu?
Argi dago, behar den tresna-gailua egoera honetan dugu: geldirik, gizarte desbalorizazio handi baten barruan, antiekologia eta korrupzio akusaziopean; baztertuta, garai batean aktibitate progresista izan zena, gaur egun edozein komunikabidetatik kanpo; izorratuta, ez dabil. Adibide gisa, gaurko Euskadiko legeak ahal den eta etxebizitza gutxien egitea helburu duela aipatu daiteke. Tresna-gailuaren izena hirigintza da.
