Goiz altxatu da. Seiak. Bizarra moztu, gosaria hartu, eta etxetik irten da, presaka. Lanera heldu denean, lan eskerga. Nagusiak betiko umore txarrez agurtu du. Han bazkaldu, eta inguruko berri lazgarriak entzun ditu. Emazteari %20 jaitsiko omen diotela soldata esan dio Imanoli. Gaueko hamarrak arte egon behar izan du lanean.
Etxera itzultzean, Ane goizeko harrikoa egiten aurkitu du. Akituta. Bera leher eginda. Ohea biok amets. Umeak lo, edo hala espero. Mahai gaineko egunkariaren titular nagusiak zimikatu du: EAEko 14 eta 18 urteko ehun gaztetik zazpik aitortu dute gurasoak noizbait jo dituztela.
Zuzendariari
Denborarik gabe
Iruzkinak
Ez dago iruzkinik
Ordenatu
