Irailaren 24an gure ama, 94 urtekoa, Barakaldoko Altos Hornos zahar-etxean erori zen, gure ustetan zahar-etxearen zabarkeriagatik. Irailaren 29an, erreklamazio bat idatzi genuen gertakari horretaz kexatzeko Bizkaiko Foru Aldundiko Gizarte Ekintza sailean, eta oraindik ez digute erantzun.
Harrituta eta dezepzionatuta gaude. Zahar-etxeek ez lukete pertsonen biltegi izan behar, baizik eta gure adinekoak seguru eta eroso sentitzeko lekuak. Gure iritziz, zabarkeria hori gertatu zen zahar-etxe horrek ez dituelako langileen kopuru edo ratioak errespetatzen, ez duelako langileen etengabeko formakuntza bermatzen, ezta lanaren egonkortasuna zaintzen ere.
Itunpeko zahar-etxeek Bizkaiko Foru Aldundiko zigilua izateak zerbitzuaren kalitatea bermatu beharko luke, baita langileen lan-baldintza duinak ere. Eta, arazoak daudenetan, foru aldundiak horien erantzukizuna izan beharko luke eta eraginkortasunez kudeatu beharko lituzke.
ZUZENDARIARI
Bizkaiko Diputazioaren ardura itunpeko zahar-etxeetan
Iruzkinak
Ez dago iruzkinik
Ordenatu
