Bihotzeko begiz

Athletickek Santimaminen lortutako garaipenak poztu zituen zaleak. Baina artalde horretan izan zen artalde gabeko ardia bezala sentitu zenik. Aitak aurrenekoz eroan zuen zortzi urteko Izaro. Jokalariak agertu, eta zabaldu zen irrintzi alaia, aho batez. Partida hasi, eta baziren bi begi, beste milaka begiek ikusten zutena ikusten ez zutena. Non zegoen, «maite zaitu herriak», oihu bateratua? Horren ordez, gola sartzeko zaleen egarria hitz iraingarriz asetzen, denak asaldatuta. «Hau al da Euskal Herriaren erakusgarria», esan zion bere buruari Izarok. Aspertuta, esan zion aitari: «Aita, etxera eramango nauzu?».