Berandu izanik ere, oso ondo dago Eusko Legebiltzarrak familiaren alde hartu duen neurria. Zenbat aldiz esan da, arrazoiz, Europa osoan ume gutxien jaio den lurraldea izanik gurea, familiarako diru-laguntzetan gutxien ematen duena dela. Eta argi daude pairatzen dugun egoeraren ondorioak: emakumeko 1,28 haur izatea, gure inguruan proportziorik txikiena, belaunaldiak berriztatzeko beharrezko minimotik urrun samar dena.
Inkestek diote gazteek dituzten seme-alabak baino gehiago izan nahiko lituzketela. Hala ere, gehienek ezinezkoa dute asmo hori, arrazoi ekonomikoak direla-eta. Hori ikusteko, guraso gazteekin hitz egin besterik ez dago.
Gure gizartearen zahartze-prozesua alarma gorria ari zaigu bihurtzen, eta, zerbait egiten ez bada, larriagotuko zaigu, noraino eta, hiru hamarkadaz geroztik, Euskadiko biztanleen ia erdiak erretiroko adinean egoteraino.
Honen aurrean, datorren urtean martxan jarriko den diru-laguntzak, jaiotzetik hasi eta 3 urte bete arte seme-alaba bakoitzeko hilero 200 euro emateak, hobetu egingo du, egiatan, bikote gazte askoren egoera ekonomikoa. Espero dezagun, guztion onerako, neurri hauek hasiera baino ez izatea eta, etorkizunean, indartzea.
ZUZENDARIARI
Berandu, baina ondo
Iruzkinak
Ez dago iruzkinik
Ordenatu
