Behobia-Donostian urik ez

Ez dakit Fortunari zorionak emateko edo errieta emateko eguna den Behobia-Donostia lasterketaren ondorengo eguna.

Halako diru kopurua kendu izena emateko eta halako aurreikuspen eskasa egitea gero. Aldez aurretik, han eta hemen esaten aritu dira ur asko edan behar dela, eta gero... behar den lekuan urik ez. Tamalgarria. Ez dakit hemengo iruzkinak kontuan hartzen dituzten, baina, ikusitakoa ikusita, arduradunek lotsatuta egon beharko lukete gaur —lasterketaren biharamunean—, eta beste batzuen esku utzi euren kargua.

Dena ez da polita, handia eta ederra Behobia-Donostiaren egunean, eta are gutxiago antolakuntzan.