Askotan galdetu izan diot neure buruari zergatik ez nintzen BAK Bakearen Aldeko Koordinakundearen kontzentrazioetara sekula joan; ez Donostian, unibertsitatean, ezta Oñatiko plazan ere. Koldarra, erosoa, epela... horiek guztiak egongo ziren tartean.
Kontraesankorra dirudien arren, eredugarria iruditu zitzaidan Bakearen Aldeko Koordinakundea hasiera-hasieratik. Gerora, hasiera haietako hainbat gestokide ezagutzeko aukera izan dut, eta oraindik ozenago esan dezaket gerturatu ez ginen guztiok oker izugarria egin genuela, bazegoela zer egin herri honen odol jarioa gelditzeko.
Datorren larunbatean, azaroaren 12an, eguerdiko 12:00etan, Zarauzko Modelo aretoan guztiok daukagu aukera garai hura zer izan zen gogoratzeko, edo, hura bizi izan ez zuenak, ezagutzeko. Xuban Intxaustik zuzendutako Gesto dokumentalaren aurrestreinaldira gonbidatu nahi zaituztet guztiok, bereziki zuek, hura ezagutu ez zenuten gazteak.
ZUZENDARIARI
Bakearen Aldeko Koordinakundea eta 'Gesto' dokumentala
Iruzkinak
Ez dago iruzkinik
Ordenatu
